Alþjóðanefnd
Hlutverk
Hlutverk Alþjóðanefndar er að styðja stjórn félagsins við að efla erlend samskipti, hafa umsjón með Alþjóðadegi kvenna 8. mars í samvinnu við FKA New Icelanders og skapa vettvang fyrir erlendar konur í íslensku atvinnulífi.
Nefndin vinnur að því að styrkja tengslanet félagskvenna, stuðla að jafnrétti og efla samskipti á sviði viðskipta og menningar.
Alþjóðanefnd á náið samtal (formlegt og óformlegt) og samvinnu með FKA New Icelanders á hverju starfsári. Í upphafi starfsárs hittast stjórnir þessara nefnda til að tengjast og leggja línurnar fyrir starfsárið og ræða hvort og hvernig hægt sé að vinna saman innan FKA. Gert er ráð fyrir að konur af erlendum uppruna geta nálgast stjórnarkonur Alþjóðanefndarinnar til að efla sig og tengjast íslensku samfélagi betur. Þannig lærum við af hverri annarri, getum vaxið allar á okkar einstaka hátt og haft áhrif. FKA vill að við einbeitum okkur að því sem sameinar okkur og að saman séum við sterkari.
Alþjóðadagur kvenna
Árlega stendur nefndin fyrir hádegisverðarfundi í tilefni Alþjóðadags kvenna, þar sem framúrskarandi konur deila reynslu sinni og sögum. Þema viðburðanna hafa endurspeglað alþjóðlegar áherslur.
Samstarfsverkefni
Stjórn FKA fær Alþjóðanefnd að borðinu til að taka þátt í samstarfsverkefnum þegar við á, þar sem áhersla er lögð á að vekja athygli á jafnrétti kynjanna.