Jafnvægisvogin
Jafnvægisvogin er hreyfiaflsverkefni FKA sem unnið er í samstarfi við stjórnvöld og hagsmunaaðila í íslensku atvinnulífi. Markmiðið er að hlutfall hvors kyns verði að lágmarki 40% í efsta lagi stjórnunar fyrirtækja, opinberra stofnana, lífeyrissjóða og sveitarfélaga.
Vinnustaðir eru hvattir til að ganga til liðs við verkefnið með undirritun viljayfirlýsingar, setja sér skýr markmið og fylgja þeim eftir. Jafnvægisvogin stendur jafnframt fyrir greiningum, fræðslu og viðburðum, fylgist með þróun kynjajafnvægis og veitir árlega viðurkenningar til þeirra þátttakenda sem hafa náð markmiðinu.
Skrifaðu undir viljayfirlýsingu fyrir þinn vinnustað HÉR.
Dómsmálaráðuneytið, Creditinfo, Deloitte, Pipar\TBWA, RÚV, Sjóvá, Orkuveitan, Nasdaq Iceland, Háskóli Íslands, Viðskiptablaðið og Skógræktarfélag Reykjavíkur eru bakhjarlar og samstarfsaðilar Jafnvægisvogarinnar.
jafnvaegisvogin@fka.is
Taktu þátt
316 HAFA STIGIÐ SKREFIÐ! ÞAÐ KOSTAR EKKERT AÐ TAKA AFSTÖÐU. VERTU MEÐ OG LEGGÐU ÞITT AF MÖRKUM TIL AUKINS KYNJAJAFNVÆGIS Í ÍSLENSKU ATVINNULÍFI.
Jöfnum hlut kvenna og karla í efsta lagi stjórnunar í íslensku atvinnulífi
Markmið
Að minnsta kosti 40/60 kynjaskipting í framkvæmdastjórn
Staðan
Karlar eru 71% nýráðninga í æðstu stöður
Framtíðarsýn
Með sömu þróun næst markmiðið ekki fyrr en árið 2065
2065
Jafnrétti er ákvörðun
„Jafnvægisvogin er ekki einungis jafnréttisverkefni. Hún er stefnumótandi tækifæri fyrir íslenskt atvinnulíf. Þetta snýst ekki aðeins um réttlæti. Þetta snýst um gæði ákvarðana, ábyrga stjórnarhætti og samkeppnishæfni. Við vitum hvað þarf að gera. Spurningin er hvort við veljum að gera það.“
Erla Ósk Ásgeirsdóttir
230
Fyrirtæki
27
Sveitarfélög
58
Opinberar stofnanir/ríkisfyrirtæki
Hvað felst í þátttöku?
1
könnun
5
mínútur
5
svör
Kynjahlutfallið í framkvæmdastjórninni þarf ekki að vera jafnt til að taka þátt en sýna þarf vilja til að jafna hlutfallið á næstu árum.
Við sendum árlega stutta könnun til þátttakenda sem inniheldur nokkrar spurningar sem allar snúa að stöðu kynja innan fyrirtækisins.
Þetta er mikilvægt samfélagslegt verkefni. Þátttakendur geta sett merki Jafnvægisvogarinnar á heimasíðu sína og þannig sýnt fram á þátttöku og vilja sinn til að setja jafnrétti í forgang. Vinnustaðir sem setja jafnrétti í forgang eru eftirsóknarverðir fyrir framsækið fólk, því rannsóknir hafa sýnt að aukið jafnrétti eykur starfsánægju.
Þau fyrirtæki sem náð hafa markmiðum Jafnvægisvogarinnar fá sérstaka viðurkenningu þess efnis en viðurkenningar eru veittar á árlegri viðurkenningarhátíð verkefnisins.
Um Jafnvægisvog FKA
Verkefnið var formlega sett af stað í mars 2018 og var fyrsta ráðstefna Jafnvægisvogarinnar haldin það sama ár. Á næstu ráðstefnu, árið 2019, voru í fyrsta sinn veittar viðurkenningar til þeirra þátttakenda sem höfðu náð 40/60 hlutfalli í framkvæmdastjórn.
Síðan þá hefur það verið árlegur viðburður að halda viðurkenningarathöfn Jafnvægisvogarinnar og hefur fjöldi þátttakenda í verkefninu og fjöldi viðurkenningarhafa vaxið ár hvert.
Árið 2026 voru veittar viðurkenningar til 163 þátttakenda en í þeim hópi eru fyrirtæki, sveitarfélög og opinberir aðilar.
