Viðurkenningarhátíð FKA

Tilnefningar

Vertu hreyfiafl, hafðu áhrif á val á FKA viðurkenningarhöfum með að tilnefna!

Að hausti er opnað fyrir tilnefningar og lögð áhersla á að fá nöfn ólíkra kvenna af landinu öllu í pottinn, með breiðan bakgrunn og reynslu enda mikilvægt að beina kastaranum að flottum fyrirmyndum og fjölbreytileika. FKA vill koma á framfæri sérstöku þakklæti til allra sem tilnefna og hvetur almenning og atvinnulífið til að tilnefna konur.

Hátíð FKA

Viðurkenningarhátíð FKA er haldin árlega í janúar, þar sem fram­lína ís­lensks viðskipta­lífs, nán­asta fólk viður­kenn­ing­ar­hafa og fé­lags­kon­ur FKA koma saman til að fagna árangri og framlagi kvenna í atvinnulífinu.

Hvatningarviðurkenning

veitt konum í atvinnulífinu fyrir athyglisvert frumkvæði eða nýjungar í atvinnurekstri frá síðustu árum til upphafs.

Viðurkenning

veitt fyrir vel unnin störf í þágu atvinnureksturs kvenna eða þeim sem hafa verið konum í atvinnulífinu sérstök hvatning og fyrirmynd frá síðustu árum til upphafs.

Þakkarviðurkenning

veitt konu fyrir eftirtektarvert ævistarf sem stjórnanda í atvinnulífinu frá síðustu árum til upphafs.

Dómnefnd

Áhersla á sem breiðastan bakgrunn

Við skipan dómnefndar Viðurkenningarhátíðar FKA er leitast við að einstaklingar hafi sem breiðastan bakgrunn í aldri, reynslu, búsetu og uppruna. Það er í fullu samræmi við stefnu FKA í víðasta skilningi orðsins. Dómnefndin fer yfir allar tilnefningar sem berast frá almenningi og atvinnulífinu, hún metur og á endanum velur þær sem hljóta viðurkenningu. Um er að ræða vandasamt verk – það sagði engin/n að þetta ætti að vera auðvelt!