Mælaborðið er afrakstur samstarfs Creditinfo, Deloitte og Jafnvægisvogarráðsins og hefur það að markmiði að gera tölfræðilegar upplýsingar aðgengilegar á einfaldan, sjónrænan og upplýsandi hátt.

Hér er því hægt að nálgast heildstæða og skýra yfirsýn á stöðu jafnréttis í íslensku atvinnulífi.

Í mælaborðinu má sjá allar helstu upplýsingar um stöðu kynjanna, svo sem kynjahlutföll stofnenda fyrirtækja, framkvæmdastjóra og stjórna. Þar má einnig finna upplýsingar um kynjahlutföll við brautskráningar úr háskólum, stöðu kynjanna innan atvinnugreina og GemmaQ kynjakvarðann fyrir skráð félög á markaði.