Leiðbeiningar fyrir efnisskil á vefsíðu FKA

Viðburðaskil

Grunnupplýsingar:

• Nafn viðburðar: Skýr og lýsandi titill.
• Dagsetning og tími: Vinsamlegast athugið að dagsetning og tími séu rétt og skýr. Breytingar á dagsetningu/tíma eftir að skráning er hafin hafa áhrif á dagatöl og mætingu.
• Staðsetning: Tilgreindu hvort viðburður sé staðbundinn, netviðburður eða bæði.
• Skráningarupplýsingar: Skráning fer fram í gegnum FKA vefsíðuna. Forðist Google Forms nema nauðsyn krefji.
• Verð: Ef gjaldtaka er fyrir viðburðinn, tilgreinið það skýrt efst í texta. Ef greiðslumáti er annar en í gegnum FKA, takið það fram.
• Aðgangur: Útskýrið hverjir mega mæta (opin fyrir allar félagskonur, ákveðna deild, almenning).
• Tengiliður: Nafn og tengiliðaupplýsingar þess sem ber ábyrgð á viðburðinum.

Texti

• Hnitmiðaður, skýr og skipulagður texti með áherslu á kjarna viðburðarins. Breytileg uppsetning eftir eðli viðburðar.

Skilafrestur

• Allt efni þarf að vera tilbúið og skilað með góðum fyrirvara, að lágmarki 1 mánuði fyrir settann viðburð.
• Mikilvægt er að tryggja nægan tíma til yfirferðar og lagfæringa.

Umfjöllun, greinar og fréttaskil

Fréttaupplýsingar

• Titill: Lýsandi fyrirsögn sem fangar efni fréttarinnar.
• Texti: Gætið þess að textinn sé skýr og hnitmiðaður, með lykilatriðum fremst. Langur titill mun hafa áhrif á sýnileika forsíðumyndar.
• Yfirlit: Fyrir lengri texta (300 orð eða meira) skal innihalda stutt yfirlit eða inngang.
• Leitartögg: Sendið æskileg leitarorð fyrir birtingu til að auka sýnileika og leit á síðunni.

Leitarvélabestun og leitartögg

• Notið leitarorð sem auka sýnileika í leitarvélum. Fyrirsagnir eru einnig leitarorð.

Skilafrestur

• Allt efni þarf að vera tilbúið og skilað með góðum fyrirvara, að lágmarki 1 virkum degi fyrir birtingu á vefsíðu.
• Mikilvægt er að tryggja nægan tíma til yfirferðar og lagfæringa.

Myndskil

• Viðburðamyndir: 1:1 hlutfall, 390x390 px.
• Fréttamyndir: 1200 px á breidd, í landslagsformi því hún teygist á breiddina og klippist á hæðina eftir skjástærð hverju sinni. Æskilegast er að hafa myndina ekki of þunga, helst um 200kB. Þessi hlutföll eiga við aðal myndina og passa þarf að ekkert ómissandi sé neðst á myndinni þar sem titill getur skorið myndefni. Annað myndefni þarf ekki að fylgja þessum hlutföllum.
• Myndgæði: að lágmarki 72 dpi.
• Myndaskrá: ljósmyndir skulu vera í JPG formi og merki/grafík skulu vera í PNG formi.
• Ljósmyndari: Nefnið ljósmyndara ef við á.
• Myndval: Myndir skulu tengjast viðburðinum eða fréttaefninu og uppfylla höfundarrétt.