2022- FKA Nýir Íslendingar / formaður. 2023-2025 - Aðalstjórn FKA

- Formaður FKA Ný-Íslendinga 2022–2023. Á þessu tímabili fjölgaði konum af erlendum uppruna verulega innan félagsins. - Hlaut FKA Hvatningarverðlaunin 2023 fyrir athyglisvert frumkvæði í atvinnulífinu. - Sat í aðalstjórn félagsins 2023–2025. Þar hét ég því að nota stjórnarsæti mitt til að standa í forsvari fyrir þá sem eru minni máttar og eru ósýnileg í samfélaginu sem og að vera talskona fyrir mál sem varða unga kynslóðina. Ég er ástríðufullur talsmaður þess að trúa á sjálfa sig og fylgja draumum sínum óhrædd. - Fulltrúi stjórnar FKA á Kvennanefnd Sameinuðu þjóðanna í New York, (UN CSW) árin 2024 og 2025. - Stýrði alþjóðatengslum og skipulagði viðburði með sendiherrum annarra þjóða, annars vega viðburði til að tengja konur í orkumálum á Íslandi og Kanada og hins vegar fögnuði Kvenréttindadagsins og merkiskonunni Bodil Begtrup þann 19. júní með sendiherrum Danmerkur. - Fulltrúi stjórnar FKA í AWE Iceland hraðlinum, í samstarfi við Bandaríska sendiráðið, Háskóla Íslands og WOMEN – Samtök kvenna af erlendum uppruna, til að styðja við nýsköpun og frumkvöðlastarfsemi á Íslandi. - Gekk til liðs við Bara Tala og undirritaði samning til að auka aðgengi Ný-Íslendinga að starfstengdri íslenskri tungu. - Tók þátt sem fulltrúi stjórnar í skipulagsnefnd viðburðarins „Ring the Bell for Gender Equality” sem haldinn er hátíðlega á alþjóðlegum baráttudegi kvenna, 8. mars, af Kauphöllinni í samstarfi við FKA, UN Women og UN Global Compac, 2024-2025. - Fulltrúi stjórnar á Sýnileikadeginum með frábæru teymi þar sem við nýttum gervigreind, tækni og sköpunargáfu til að hámarka áhrif og draga úr kostnaði – allt innan sex vikna. Ég lærði ótrúlega mikið og er stolt af því sem okkur tókst að framkvæma saman, sem og því sem má gera betur.