Fréttir
  • 49800255_382982065580821_8599873391136079872_n

#MeToo málefni - niðurstöður fundar með félagskonum

9. jan. 2019

20190108_221357#MeToo málefni – fundur með félagskonum 8. janúar 2019.


Boðað var til opins fundar meðal félagskvenna FKA þar sem átta félagskonur með mikla reynslu af meðferð mála sem tengjast #MeToo málum komu saman til að taka saman tillögur til starfshóps á vegum velferðarráðuneytisins um aðgerðir sem tengjast einelti, kynferðislegri áreitni, kynbundinni áreitni og ofbeldi á vinnustöðum. 

49686210_391768171396481_3615659583244075008_nReynsla kvennanna sem sátu fundinn er mjög fjölbreytt. Meðal fundarkvenna voru mannauðsstjórar í stórum fyrirtækjum, sálfræðingar sem unnið hafa að innleiðingu á umfangsmiklum áhættumötum á sálfélagslegum þáttum og aðgerðaráætlunum innan fyrirtækja, sveitarfélaga og stofnana í kjölfars þess, heilbrigðisstarfsmaður í forvörnum og ráðgjöf við konur á meðgöngu og umönnun barna og þátttakandi í aðgerðarhópi #MeToo mála innan íþróttahreyfingarinnar. Það var því mikil og dýrmæt reynsla sem þær konur sem mættu á fundinn bjuggu yfir.

Útbúinn var listi yfir þá þætti sem hafa þarf í huga þegar unnið er að framtíðaraðgerðum til að draga úr líkum og áhrifum af kynferðislegri og kynbundinni áreitni, ofbeldi og einelti.

Ábendingarnar sem settar eru fram eru í góðu samræmi við þær áherslur sem stjórn hefur sett sér í #MeToo málefnunum, en þar hefur verið ákveðið að áherslur FKA í málaflokknum skuli fyrst og fremst snúa að forvörnum og framtíð. Listann má finna HÉR

Hulda Ragnheiður Árnadóttir, stjórnarkona FKA og fulltrúi stjórnar í #MeToo málefnum mun koma skilaboðum frá fundinum áleiðis til starfshópsins.





Þetta vefsvæði byggir á Eplica