Fréttir

FKA Viðurkenningarhátíðin 2020

Undirbúningur fyrir FKA Viðurkenningarhátíðina 2020 er kominn á fullt!

3. des. 2019

FKA Viðurkenningarhátíðin er haldin árlega við hátíðlega athöfn þar sem konur úr atvinnulífinu eru heiðraðar.

Á hátíðinni eru veittar viðurkenningar til þriggja kvenna sem hafa verið konum í atvinnulífinu hvatning og fyrirmynd.

- FKA þakkarviðurkenningin.
- FKA viðurkenningin.
- FKA hvatningarviðurkenningin.

Dómnefnd hefur þegar hafið störf og er falið að velja úr fjölbreyttum hópi tilnefninefndra í hverjum flokki. Við skipan dómnefndar var leitast við að einstaklingar hefðu sem breiðastan bakgrunn í aldri, reynslu og búsetu. Það er í fullu samræmi við stefnu FKA fyrir stjórnarmenn og stjórnendur framtíðarinnar.

Áslaug Gunnlaugsdóttir er fulltrúi stjórnar FKA vegna viðurkenningarhátíðarinnar. Formaður dómnefndar árið 2020 er Þórdís Lóa Þórhallsdóttir en hún var formaður FKA árið 2012 til 2016 en hún er í dag formaður borgarráðs og staðgengill borgarstjóra í Reykjavík.

Í dómnefnd 2020 ásamt Þórdísi Lóu:
Páll Matthíasson / Forstjóri Landspítalans
Margét Tryggvadóttir / Forstjóri NOVA
Kristinn Óli Haraldsson (Króli) / Tónlistarmaður, leikari, áhrifavaldur og ræðukeppandi
Katrín Olga Jóhannesdóttir / Formaður Viðskiptaráðs Íslands
Hilmar Veigar Pétursson / Framkvæmdastjóri tölvuleikjafyrirtækisins CCP
Guðbjörg Matthíasdóttir / Útgerðar- og athafnakona í Vestmannaeyjum

Verða úrslit kynnt á stórviðburði næsta árs hjá FKA þann 23. janúar 2020.

Takið daginn frá!

Domnefnd





Þetta vefsvæði byggir á Eplica