Fréttir

FKA fjölmiðlaþjálfun 2020.

Þær tólf konur sem fara í FKA fjölmiðlaþjálfun í húsakynnum RÚV 8. febrúar 2020.

27. jan. 2020

Til hamingju!

FRÉTTATILKYNNING - FKA fjölmiðlaþjálfun 2020.

- Þær tólf konur sem fara í FKA fjölmiðlaþjálfun í húsakynnum RÚV Efstaleiti 1 þann 8. febrúar 2020.

- Konur sem fara ekki í Efstaleitið fá námskeið 20. febrúar næstkomandi.


Nöfn þátttakanda í FKA fjölmiðlaþjálfun 2020.

FKA og RÚV hleyptu af stokkunum verkefni til þriggja ára sem ætlað er að auka fjölbreytni viðmælenda í íslenskum fjölmiðlum. Verkefninu er um leið ætlað að bæta aðgengi fjölmiðlafólks að konum með sérþekkingu sem algengt er að skorti þegar leitað er að viðmælendum í fréttir og fréttatengda þætti.

Auk RÚV og FKA kemur starfsfólk Stöðvar 2 og Hringbrautar að framtakinu að þessu sinni og stendur að eins dags hagnýtri þjálfun laugardaginn 8. febrúar 2020 í húsakynnum RÚV í Efstaleiti 1.

Sérstök valnefnd sá um yfirferð umsókna og hefur skilað tillögum til FKA. Það er sönn ánægja að segja frá þeim konum sem hafa verið valdar úr 120 frábærum og frambærilegum umsækjendum til að taka þátt í verkefninu að þessu sinni. Þær konur sem boðin hefur verið þátttaka í þjálfuninni sem haldin verður í Efstaleiti 8. febrúar 2020 eru (engin sérstök röð):

Íþróttir:

Silja Úlfarsdóttir

Nýsköpun:

Elísabet Hjaltadóttir

Kolbrún Hrafnkelsdóttir

Orkumál:

Kolbrún Reinholdsdóttir

Sjávarútvegur:

Ásta Dís Óladóttir

Erla Ósk Pétursdóttir

Alþjóða stjórnmál:

Guðrún Helga Jóhannsdóttir

Upplýsingatækni:

Ásta Fjeldsted

Ragnhildur Ágústsdóttir

Viðskipti:

Ásthildur Otharsdóttir

Vísindi:

Bryndís Marteinsdóttir

Hulda Ragnheiður Árnadóttir formaður FKA verður fulltrúi stjórnar á námskeiðinu.

Þátttakendur fá þar leiðsögn reynds fjölmiðlafólks og tækifæri til að spreyta sig sem viðmælendur við raunverulegar aðstæður í útvarpi og sjónvarpi. Þátttakendur læra m.a. um framkomu í fjölmiðlum, fá undirbúning fyrir viðtöl, setja sig í spor fréttamannsins og fara í viðtöl í stúdíóum RÚV.

Leiðbeinendur eru Þórhallur Gunnarsson, fjölmiðlamaður og Andrés Jónsson almannatengill. Einnig koma Sirrý Arnardóttir stjórnendaþjálfari, háskólakennari, rithöfundur og fyrrverandi fjölmiðlakona og Eva Laufey Kjaran Hermannsdóttir, sjónvarpskona hjá Stöð 2, ástríðukokkur og bókaútgefandi að þjálfuninni. Þátttakendur fá einnig tækifæri til að hitta og spjalla við Bergstein Sigurðsson og Huldu Geirsdóttur, fjölmiðlafólk á RÚV.

FKA gerði könnun meðal frétta- og dagskrárgerðarmanna í fréttatengdum þáttum á ljósvakamiðlum RÚV, Stöðvar 2 og Hringbraut. Spurt var hvort erfiðara væri að finna konur sem viðmælendur á einhverjum tilteknum sérsviðum . Níu sérsvið voru oftast nefnd. Sjávarútvegur og tæknimál voru þar efst á blaði, auk upplýsingatækni, upplýsingaöryggis, orkumála, íþrótta, viðskipta, nýsköpunar, vísinda og stjórnmála. Því var óskað eftir konum með sérþekkingu á þessum sviðum í þetta skipti.

Öllum konum sem sóttu um boðið á námskeið hjá Eddu Hermannsdóttur.

Það var engin leið að segja skilið við alla þessa sérfræðinga sem vilja koma fram - og tala af sérþekkingu við fréttamenn. Þess vegna ákvað valnefndin, ásamt Eddu Hermannsdóttur samskiptastjóra Íslandsbanka, að bjóða öllum konum sem sóttu um í fjölmiðlaþjálfunina og lentu ekki í 12 manna úrtakinu, á þriggja tíma námskeið 20. febrúar næstkomandi.

FKA ætlar að stuðla að breytingum í sýnileika kvenna í atvinnulífinu - vera hreyfiafl og fyrirmynd fyrir komandi kynslóðir.

Nánar um verkefnið HÉR!

Valnefnd





Þetta vefsvæði byggir á Eplica