Fréttir
  • Fast-50-logo-gagnsaett

Fast 50 og Rising Star

13. okt. 2016

Einstakt tækifæri með Deiloitte ásamt samstarfsaðilum sem eru FKA, SI, NMÍ og Íslandsbanki

Ef þú ert frumkvöðull eða með sprotafyrirtæki þá hvetjum við þig til að skoða Fast 50 & Rising star!


Fast-50-verdlaunahafar-2015En hvað er Fast 50 & Rising star!

Þetta er alþjóðlegur fjárfesta- og kynningarviðburður fyrir frumkvöðla, sprota og tæknifyrirtæki í örum vexti sem Deloitte stendur fyrir. FKA er samstarfsaðili Fast 50 & Rising Star ásamt SI, Íslandsbanka og NMÍ. 

Með þátttöku í Fast 50 & Rising Star fá íslenskir frumkvöðlar, sprotar og tæknifyrirtæki einstakt tækifæri til vekja athygli fjárfesta og annarra hagsmunaaðila vítt og breitt um heiminn á vexti sínum og vaxtarmöguleikum.

Ávinningurinn af þátttöku er fjölbreyttur og það kostar ekkert að skrá fyrirtæki. Fyrirtækin sem taka þátt í Fast 50 eða Rising Star eiga möguleika á að:

  • funda með innlendum fjárfestum um næstu skref
  • kynna fyrirtækið fyrir erlendum fjárfestum
  • hljóta 600 þúsund króna styrk frá Íslandsbanka
  • fá aukna umfjöllun um fyrirtækið
  • efla til muna sýnileika vörumerkja fyrirtækisins
  • vekja athygli innlendra og erlendra fjárfesta
  • skapa verðmæt tengsl þvert á landamæri
  • tengjast nýsköpunarteymum Deloitte víða um heim

FastSérstök dómnefnd skipuð af fjölbreyttum hópi sérfræðinga fer yfir allar umsóknir og velur 4-6 fyrirtæki sem boðið er að kynna sig á Fast 50 & Rising Star viðburðinum – svokallaðri uppskeruhátíð íslenska tæknigeirans, sem haldin verður 16. nóvember næstkomandi. Þórdís Lóa Þórhallsdóttir formaður FKA og forstjóri Grayline er formaður dómnefndar.

Fast 50 er fyrir íslensk tæknifyrirtæki í örum vexti, sem hafa starfað í minnst fjögur ár og Rising Star er fyrir íslenska frumkvöðla og sprota sem hafa starfað skemur en í fjögur ár.

Hægt er að skrá fyrirtæki á vefsíðunni www.fast50.is


Fast 50 hófst árið 1995 í Bandaríkjunum en teygir nú anga sína til um 40 landa og um 30 þúsund tæknifyrirtæki vítt og breitt um heiminn hafa skráð sig til leiks á þessum tíma. Fast 50 snýst í grunninn um að kortleggja þau tæknifyrirtæki sem vaxa hraðast m.t.t. veltuaukningar á hverju fjögurra ára tímabili og er slíkur listi birtur árlega.

Allir þátttakendur í Fast 50 hérlendis eru gjaldgengir á sameiginlegan EMEA Fast 500 listann sem tekur til tæknifyrirtækja í Evrópu, Mið-Austurlanda og Afríku. Sá listi er gefinn út í nóvember ár hvert og fær iðulega mikla athygli alþjóðlegra fjárfestingarsjóða og annarra fjárfesta. 

Á meðal þeirra fyrirtækja sem tóku þátt í Fast 50 fyrra voruThula Nordic Source Solutions, Meniga, AppDynamic, Nox Medical og Zymetech en þessi félög röðuðust öll á EMEA Fast 500 listann í fyrra, þar af fjögur þeirra á topp 150. Yfir 1.000 tæknifyrirtæki eru gjaldgeng á þann lista úr öllum Fast 50 viðburðunum á EMEA svæðinu.

Rising Star er haldið að alþjóðlegri fyrirmynd en sambærileg verkefni eru keyrð af aðildarfyrirtækjum Deloitte t.d. í Belgíu, Hollandi, Ísrael, Ástralíu, Nýja-Sjálandi, Þýskalandi og Bandaríkjunum. Lykiláherslan í Rising Star er á vaxtarmöguleika fyrirtækja. Í fyrra valdi Rising Star dómnefndin fyrirtækin Authenteq, Flygildi, Geosilica frá FKA, Kúla 3D, Solid Clouds og dent & buckle til að kynna sig og hlutuAuthenteq og Kúla 3D titilinn Rising Star 2015. 

Þann 16. nóvember verður svokölluð uppskeruhátíð íslenska tæknigeirans haldinn í Deloitte þar sem tilkynnt verða úrslit. Öllum FKA konum er boðið á viðburðinn en nánari upplýsingar verða sendar út síðar.






Þetta vefsvæði byggir á Eplica