Fréttir

Taktu daginn frá

okt. 1, 2018

Ráðstefna Jafnvægisvogar, Rétt upp hönd, verður haldin þann 31. október næstkomandi á  Hilton Reykjavík Nordica. 

Ráðstefnan hefst kl. 8:30 og lýkur kl. 12:00. Katrín Jakobsdóttir, forsætisráðherra og Ásmundur Einar Daðason, Jafnréttismálaráðherra, halda erindi á ráðstefnunni. Einnig fáum við erlendan gest Caroline Zegers, sem er einn af meðeigendum Deloitte en hún hefur mikla reynslu sem ráðgjafi og stjórnarmaður. Hún mun fjalla um jafnrétti í stjórnarherberginu útfrá erlendum samanburð. 

Mælaborð með tölfræðiupplýsingum um jafnrétti bæði í fyrirtækjarekstri sem og í opinberum störfum verður birt á aðgengilegan hátt á vefsíðu FKA. Mælaborðið verður kynnt á ráðstefnunni. Á mælaborðinu verður að finna mælikvarða yfir það hver staðan er á jafnrétti meðal stjórnenda í íslensku atvinnulífi. Þær verða birtar á þann hátt að auðvelt er að skoða og greina stöðu jafnréttis innan fyrirtækja.

Hermann Björnsson, forstjóri Sjóvá og Margeir Ingólfsson, stjórnarformaður Hugsmiðjunnar munu fjalla um jafnréttisáherslu sinna fyrirtækja en bæði fyrirtækin hafa gengið mjög langt í vegferð jafnréttis. Listamenn frá Improv Iceland munu síðan taka saman niðurstöður ráðstefnunnar. 

Skráning hér

 





Þetta vefsvæði byggir á Eplica