Mynd af Guðfinna Jóh. Guðmundsdóttir

Guðfinna Jóh. Guðmundsdóttir

  • Starfstitill: Lögmaður
  • Fyrirtæki: Fasteignamál Lögmannsstofa
  • Heimilisfang: Suðurlandsbraut 6
    108 Reykjavík
  • Vinnusími: 552 2420
  • Farsími:  

Starfssvið

Ráðgjöf og sérfræðiaðstoð

Leitarorð

 

Stjórnarseta:

Stjórn Landsvirkjunar og Húseigendafélagsins.

Starfsferill:

Eigandi Fasteignamál Lögmannsstofa frá 2002 www.fasteignamal.is

Meira:

Sérsvið: Fasteignalögfræði.

Guðfinna Jóhanna Guðmundsdóttir lögmaður sérhæfir sig í lögfræðimálum tengdum fasteignum, svo sem gallamálum, skipulags- og byggingarmálum, fjöleignarhúsamálum og húsaleigumálum, fyrir einstaklinga, félög og fyrirtæki.

Guðfinna hefur mikla sérfræðiþekkingu og áratuga reynslu af fasteignalögfræði og húsnæðismálum en hún hefur starfað við slík mál frá árinu 1996, bæði sem lögmaður og sem lögfræðingur í félagsmálaráðuneytinu, hjá Íbúðalánasjóði, Húsnæðisstofnun ríkisins og á framkvæmda- og eignasviði Reykjavíkurborgar.

Auk starfa sinna sem lögmaður hefur hún tekið þátt í gerð lagafrumvarpa, reglugerða, úrskurða og álitsgerða, verið í stjórnum, nefndum og ráðum, kennt og haldið fyrirlestra um ýmis mál tengd fasteignum.

Guðfinna hefur meðal annars kennt og haldið fyrirlestra um fasteignamál og lagareglur á því sviði á námskeiði til löggildingar fasteigna-, fyrirtækja- og skipasala, námskeiði í gerð eignaskiptayfirlýsinga, námskeiði til réttinda leigumiðlunar, námskeiði fyrir mannvirkjahönnuði og námskeiði fyrir matsmenn, hjá Endurmenntun Háskóla Íslands, Háskólanum í Reykjavík, Félagi fasteignasala, Lögmannafélagi Íslands, Lagnafélagi Íslands, Steinsteypufélagi Íslands, á samnorrænni ráðstefnu, Landshlutafundi skráningaraðila í Landskrá fasteigna og fyrir starfsmenn ýmissa fyrirtækja og stofnana.

Guðfinna er í stjórn Landsvirkjunar og í stjórn Húseigendafélagsins. Þá er Guðfinna formaður prófnefndar eignaskiptayfirlýsinga og formaður prófnefndar leigumiðlara.

Guðfinna var borgarfulltrúi 2014–2018 og sat meðal annars í borgarráði, umhverfis- og skipulagsráði og forsætisnefnd.

Guðfinna var formaður kærunefndar húsamála 2011–2013, í stjórn Húseigendafélagsins 2002–2011, í stjórn Búseta húsnæðissamvinnufélags 2005–2008 og í stjórn Félags löggiltra leigumiðlara 2009–2011. Þá var Guðfinna í ritnefnd Lögmannablaðsins. Guðfinna var ritari kærunefndar fjöleignarhúsamála og kærunefndar húsaleigumála 1997–2002. Þá hefur Guðfinna verið formaður prófnefndar eignaskiptayfirlýsinga frá 2008 og formaður prófnefndar leigumiðlara frá 2000.


  • Vefsíða
  • Senda póst
  • Gef kost á mér til stjórnarsetu
  • Tilbúin að koma fram í fjölmiðum
  • Ég á og rek mitt fyrirtæki
  • Ég er stjórnandi í fyrirtæki




Þetta vefsvæði byggir á Eplica