Kæru félagskonur,

Að gefnu tilefni viljum við árétta reglur um notkun póstlista FKA og jafnframt geta þess að hægt er að láta taka sig út af þeim póstlista sem auglýsingapóstur félagskvenna er sendur á.  Beiðni um það sendist á fka@fka.is  Ekki er hægt að taka konur af póstlista “frá stjórn”.

Einn af kostunum við að vera í FKA er aðgangur félagskvenna að hverri annarri í gegnum póstlista félagskvenna.  Mjög auðvelt er að koma upplýsingum um eigið fyrirtæki á framfæri, tilboð og fleira svo og ósk um aðstoð o.fl.

Þessi kostur getur þó snúist upp í andhverfu sína sé póstlistinn ofnotaður eða misnotaður og viljum við í því sambandi benda á:

Eingöngu má auglýsa eigið fyrirtæki og vörur – ekki annarra.
Ekki má senda póst af nokkru tagi sem er í gangi í þjóðfélaginu og gildir þá einu hversu áhugavert, skemmtilegt eða göfugt málefnið er.  Telji félagskonur að ákveðinn tölvupóstur eigi erindi til félagskvenna geta þær komið þeirri ósk á framfæri við stjórn (fka@fka.is) sem tekur ákvörðun um áframsendingu.
Þegar konur svara pósti sem sendur hefur verið á póstlistann skal eingöngu svara með “REPLY”  alls ekki “Reply to all”, þá berst svarið til allra félsgskvenna.

 
Þar sem hátt í 700 konur eru á póstlisa FKA biðjum við félagskonur að stilla póstsendingum í hóf bæði hvað varðar fjölda og stærð.  Stórir póstar bera mörg pósthólfin ofurliði og skal miða við að póstur sé ekki stærri en 50-100 kb max.  Ef  það nægir ekki er upplagt að setja link á heimasíðu fyrir frekari upplýsingar.  Einn póstur á mánuði ætti að nægja félagskonum, fleiri póstar auka líkur að honum sé hent án þess að vera lesinn. 
 

Við vonum að sem fæstar konur láti taka sig af póstlistanum því sé póstlistinn rétt notaður og póstsendingum stillt í hóf getur hann fært okkur margvíslegan fróðleik um það sem aðrar félagskonur er að gera.

Hvernig sendir félagkona póst?

Sendir á felagskonur@fka.is og úr því netfangi sem félagskona fær póst frá félagskonu.  Eina leiðin til að geta sent á listann er að vera skráður í gegnum félagið. 

Vinsamlegast athugið: 

• Sendið eingöngu á felagskonur@fka.is ekki nota fleiri netföng í to: - cc: - bcc:    - þá stoppar pósturinn.

Nánari upplýsingar gefur Tinna í síma 522-9267 og á netfangi fka@fka.is