Íslandsstofa tók til starfa 1. júlí 2010 og sameinar starfsemi Útflutningsráðs, Fjárfestingarstofu og erlent markaðsstarf Ferðamálastofu.
Íslandsstofa verður þó annað og meira en einföld samlagning þeirrar starfsemi sem þegar var fyrir hendi, því henni er ætlað víðtækara starf sem snýr m.a. að því að styrkja ímynd og orðspor Íslands og styðja við kynningu á íslenskri menningu erlendis.
Íslandsstofa er til húsa í Borgartúni 35, Reykjavík, í Húsi atvinnulífsins.

Frá 1991 hefur Félags- og tryggingamálaráðuneytið úthlutað styrkjum til kvenna sem hafa nýjar hugmyndir að vöru og eða þjónustu. Markmið styrkjanna er að draga úr atvinnuleysi kvenna, efla atvinnulíf og auðvelda aðgengi kvenna að fjármagni. Styrkir þessir hafa oft á tíðum skipt sköpum fyrir viðkomandi styrkhafa og gert þeim kleift að sjá drauma sína um fyrirtækjarekstur rætast.